Zaintzak guztioi eragiten digu, baina guztiok zainduko gaituen sistema eraikitzen, ala eraisten gabiltza?

Gertuko inor zaintzen al duzu? Zainduko gaituzten erakundeen aldekoa zara? Zaintzaren pribatizazioa eta zaintzaileen lan baldintza kaxkarrekin kezkatuta al zaude?

Galdera hauei baiezkoarekin erantzun badiezu, ekimen hau zuretzat da.

Alkartasuna Fundazioak  Coppieters Foundationekin batera, Zaintzen inguruko jardunaldia antolatu dugu urtarrilaren 24an, larunbata, Bilboko EHUko Bizkai Aretoko Baroja Auditorioan (Abandoibarra Etorb., 3).

Bertan, nazioarteko adituek eta gizarte eta lan-arloko eragileek beren ikuspuntuak partekatuko dituzte, entzuleen arteko eztabaidarekin uztartuz.

• Inskripzioa

• Eskuorria

2025/11/28-29

Hogei bat fundazio, elkarte eta talde subiranista ezkertiarretako ehun bat ordezkarik autodeterminazioaren, gure hizkuntzen babesaren, ultraeskuinaren, supremazismoaren, neoliberalismoaren, migrazioen eta krisi bioklimatikoaren inguruko erronkei heldu diegu Eskolan.

:: Egitaraua       :: Argazkiak

- Monica Clua /politologo: “Olatu atzerakoia neoliberalismoaren estrategia da; indibidualizazioa gizartearen aurrean. Liberal autoritarioak, nazional-kontserbadoreak, faxismoaren oinordekoak, fundamentalismo kristaua, anarkokapitalistak eta konspiranoikoak elkartzen dira”

- Mertxe Aizpurua /EH Bilduko diputatua: “Francok dena utzi zuen lotuta. Franco hil. Franskismoa bizirik iraun, Tribunal de Orden Publico-a Audiencia Nazional izatera. Frankismoa ez da inoiz epaitua izan”.

“Euskal Herriko agenda subiranistan, estatus politiko berria dago. Etxebizitzak eskubide soziala izan behar du, hezkuntza eta osasuna diren bezala. Trantsizio ekologikoa ere giltzarria da”

- Miquel Rosselló /Forum Soberanista: “Eskolan dauden ezkerreko subiranismoek identitatearen atzera egitea saihestu+borrokatzeko beharra planteatu dute, mundu osoko gorakada autoritarioarekin batera”

- Floren Aoiz /Iratzar: “Eskuineko diskurtso soberanistak ez du soilik nazioa eraikitzen: transfobia+gorroto-diskurtsoak uztartzen ditu, hierarkia zaharrak. nazionalismo klasikotik neonazismora”

- Paolo Gerbaudo / soziologo: “Subiranismoa gatazka da, eta horregatik erabili behar dugu naziorik gabeko herrien eskubide politikoak gauzatzeko”

“La soberanía no es estrictamente político-identitaria, es también alimentaria, energética, digital y tecnológica, etc. Los grandes monopolios tecnológicos no van a devolver el poder a la ciudadanía, que hemos abandonado voluntariamente tareas para entregárselas a empresas multinacionales norteamericanas tecnológicas“

“Debemos aprovechar el soberanismo para materializar los derechos democráticos populares”

- Jordi Muñoz / politologo: “Eskuina munduko Estatuetara itzuli da nabarmen. Arantzeletan, mugetan, militarizazioan eta abarretan ikusten dugu. Bistan da badagoela atzera egite nostalgiko bat, nazioarteko politika gordintzen duena, adibidez, xenofobia normalizatuz. Ofentsiba honen aurrean, atzerakoien aurkako aliantzak sustatu behar ditugu, ahalik eta kohesio sozial handienarekin, jakitun izanik mendeetako arazoak ez direla bi urtetan konpontzen”

- Montse Prado / BNGko diputatua: “En el ‘atado y bien atado’ no cabe olvidar la participación de la CIA para evitar la formación de un estado ‘rojo’. No hubo una ruptura.”

- Idoia Arreaza / Associació Cívica Valenciana Tirant Lo Blanc: “La extrema derecha incide en los jóvenes no poniendo en cuestión el modelo económico precarizador sino buscando culpabilizar a mujeres e inmigrantes”

- Xabier Irastorza / Manuel Robles-Arangiz Fundazioa: “Ezin da ulertu eraikuntza nazionala justizia sozialik gabe eta bizi-baldintza materialen aldeko borrokarik gabe, horiexek baitira euskal errepublika eraikitzen dutenak”.

- Ester Rocabeyra / Intersindical CSC: “Ikuspegi feminista duen langile klasetik eskubideen errepublikarantz aurrera egitea dagokigu, zerbitzu publikoen, lan esparru propioaren eta hizkuntza eskubideen sistema sendo bat lortzeko”

Forum Soberanista – Coppieters Foundation – EHU – Parte Hartuz – Emergent Sovereignties – Alkartasuna Fundazioa

Babeslea

2025/11/27-28. Bilbo

EHUko Parte Hartuz ikerketa taldeak Nazionalismoa Ikertuz nazioarteko kongresuaren 5. edizioa antolatu du. Oraingoan, Subiranotasun Emergenteak.

Mahai nagusietan honako gaiak eztabaidatuko dira: sezesio-prozesuak eta subiranotasuna ikuspegi geoestrategikotik; feminismoa, intersekzionalitatea eta nazionalismoa; burujabetza digitala eta estaturik gabeko nazioak; nazionalismoa eta dekolonitatearen teoriak edota subiranotasunaren erronka berriak.

Egitaraua

Laguntzaileak: Subiranotasuna Europako Herrietan masterra, Bilboko Udala, Forum Subiranista, Iratzar Fundazioa, Manuel Robles-Arangiz Fundazioa, Betiko Fundazioa eta Alkartasuna Fundazioa

Bilbo. Azaroak 28-29

Forum Soberanista osatzen dugun erakundeok prestakuntza topaketa berri bat egingo dugu azaroaren 28an eta 29an Bizkai Aretoan, ‘Herri Burujabeak Europar Batasunan / Sovereign peoples in the European Union / Pobles sobirans a la Unió Europea / Pobos soberanos na Unión Europea / Pueblos soberanos en la Unión Europea” izenburupean.

• Egitaraua

2025/10/25

Euskal Herria, Katalunia, Galiza, Illes Balears, País Valentzià eta Kanarietako elkarte eta fundazio politiko eta sindikalek elkarrekin lantzen ditugu prestakuntza-jarduerak Forum Subiranistan; ezkerreko subiranismoaren hausnarketa estrategikorako gunea.

Azaroaren 28an eta 29an VII Eskola Soberanista ospatuko dugu Bilboko Bizkai Aretoan.

Joxemari Mitxelena Cazabon, Euskadiko Euskal Pilota Federakuntzaren lehendakariari galdetu diogu

2025eko ekaina

Lorena Lopez de Lacalle hautatu dute berriro European Free Allianceko presidente

Nantes 2025/05/9-10

Mikel Osinaldek ordezkatu du fundazioa Nantesen egindako topaketan, herrien Europa bidezkoago, demokratikoago eta inklusiboago baten aldeko hamabost bat erakunde kultural eta politikotako kideekin batera.

Eskubide kolektiboak eta gutxiengoen eskubideak, kultura eta hizkuntza aniztasuna, maila anitzeko gobernantza, autodeterminazioa, eta giza eskubideak dira Coppieters Foundation think tank europarraren baitan elkarrekin egindako lanaren helburuetako batzuk.

Bilera European Free Alliance erakundearen batzar orokorrarekin batera egin da, eta bertan Lorena Lopez de Lacalle berrautatu dute presidente.

Sari honekin, Coppieters Fundazioak Txileko demokratizazio prozesuan eta kultura eskubideen inguruan egindako lan eskerga aitortzen dio buruzagi Maputxeari, bai eta aniztasuna zein ingurugiroaren zaintzaren aldeko borroka.

“Lurrari lotuta hazi nintzen, belaunaldiz belaunaldi estutzen saiatzen garen lotura. Sendiak erakutsi zidan Lurra gure ama dela, eta bere aniztasuna, gure zoriontasunaren sustrai. Denok gara Lurraren seme-alaba, eta erari zor gatzaio”

Bruselak.

2025eko martxoaren 26an, Alkartasuna Fundazioa kide den erakundeak Elisa Loncón Antileo aintzatetsi zuen Coppieters Sariarekin, maputxeen eskubide kolektiboen defentsa demokratikoari nahiz bakearen eta aniztasunaren idealei egindako aparteko ekarpenagatik.

Ekitaldia Bruselako Grote Markt ikonikoan egin zen, eta hainbat arduradun politiko, Europako Parlamentuko kide, gizarte zibil, akademiko eta komunikabideetako berriemaile bildu zituen, Elisa Loncon Antileori gorpuzten dituen balioak aitortu asmoz: erresilientzia, osotasuna, enpatia, eta justiziaren bilaketa.

Elisa Loncón Antileok ondo ezagutzen du Euskal Herria, Alkartasuna fundazioko ordezkari Iria Epalzarekin solastu zuenean adierazi bezala. 2021ean Eusko Jaurlaritzak Giza Eskubideen aldeko René Cassin saria eman zionekoa gogoan izan dute, bai eta euskaldunon eta maputxeen arteko ahizpatasun kulturala.

Antonia Luciani kortsikarrak -Coppieters Fundazioko Presidenteak-, Elisa Loncón hizkuntzalari maputxe eta Txileko indigenen eskubideen aldeko ekintzaile gisa duen rola azpimarratu zuen. Baita 2021ean Txileko Konbentzio Konstituzionalerako maputxe herriaren ordezkari gisa jorratutako papera ere. Organoaren inaugurazioaren ondoren, Loncón Konbentzio Konstituzionaleko presidente hautatu zuten, eta funtsezko zeregina izan du Txileko etorkizun politiko eta juridikoa definitzeko eta irudikatzeko garaian.

Nabarmentzekoa da, halaber, Ad Mapu erakunde kulturaleko eta Aukiñ Wallmapu Ngulam-eko (AWNg edo Consejo de Todas las Tierras gaztelaniaz) kide dela, non Wenufoye bandera maputxearen diseinuan irudikatu zuten.

Ana Miranda “Orain Errepublikak” zerrendako kide eta Bloque Nacionalista Galegoko europarlamentariak -Europako Parlamentuko Asanblada Euro-Latinoamerikarreko Ordezkaritzaren presidenteorde dena-, Loncón Antileo goraipatu zuen zoritxarraren aurrean erakutsitako ausardiagatik eta justiziarekiko konpromisoagatik, maputxe herriaren kultura eta tradizioa erraietatik lau haizetara zabaltzeagatik eta oinarrian klima eta iraunkortasuna dituen ekintza politikoaren defentsagatik, kulturen eta hizkuntzen arteko lotura sendoa eta ingurumenarekiko errespetua eginez.

2022 Coppieters Sarien hartzailea, Anders Eriksson, Alands Parlamentuko ministro ohiak ere Loncón Antileoren garrantzia azpimarratu zuen sinbolo gisa, datozen belaunaldiak inspiratzeko ahalmena duen norbait bezala. Ez bakarrik maputxe, txiletar edo latinoamerikarren artean, Europan ere bai.

Ekitaldia amaitzeko, Elisa Loncón Antileo saridunak hitzaldi hunkigarri bat eman zuen, “Ur-jauzia / Txayeno” olerkia errezitatu baitzuen bere ama hizkuntzan, mapugundunan, eta saria aitortu zion, ez bakarrik harentzako aitorpen gisa, baizik eta “herri indigenen borroka eta erresistentziari, haien hizkuntzei, haien kulturei, eta demokrazia benetan inklusiboa, plurala eta bidezkoa izango den etorkizun baterako duten eskubideari egindako omenaldi gisa”, “gizakiak ez ezik, Ama Lurreko beste izaki guztiak ere barne hartuko dituen demokrazia”.

Bere hitzaldian, “arraza-diskriminazioaren, linguizidioaren eta ekozidioaren” aurkako oposizioa adierazi zuen, “sistema kolonial, antropozentriko, patriarkal eta esklabista baten legatuaren” aztarnak, “herri indigenak eta koloreko pertsonak sakrifikatzen zituena aberastasunaren izenean”.

“Demokrazia, gaur egun ezagutzen dugun moduan, aurrerapenaren ideia batean harrapatuta dago, beste guztia suntsitzen duena: herriak, basoak, ozeanoak, ekosistema osoak suntsitzen ditu. Desoreka modu berrietara eraman gaitu, klima krisietara. Mundua eta mundua kudeatzeko modua birpentsatu behar dugu lurraren errespetu eta zaintzatik hasita.”