CIEMEN eskertu nahi dugu bere gonbidapenagatik, eta gure babes eta elkartasunik beroena helarazi nahi diogu Herri Katalanari beren autodeterminazio eskubidea egikaritzean

Informazio gehiago:

Txostena 1 octobre catalunya. Report Alkartasuna Fundazioa

Bideoak 

Euskal Herriko Fundazio Soberanistok bat egiten dugu urriaren batekoan burutuko den ariketa demokratikoarekin,  erreferendumarekin.    Honetan parte hartzeko deia luzatu nahi genuke, bakoitzak bere esparrutik.  Dokumentu honen sinatzaile garen Fundaziook CIEMEN elkarteak gonbidaturik delegazioa bidaliko dugu egun horietan Bartzelonara.

1: Euskal Herriko Fundazio Soberanistok kezka handiz ikusten dugu espainiar estatua herritar katalanen erabakitzeko eskubidearen kontra bideratzen ari den eraso zital erraldoia. Onartezina da errepresioa baliatzea herri baten demokrazia gogoaren aurka. Eredugarria da Kataluniar Herriak jazarpenaren aurrean duen jarrera irmo, baketsu eta arduratsua.

2: Kataluniak demokratikoki erabaki nahi du bere etorkizuna eta espainiar estatuak indarrez ukatzen dio. Prozesua guztiz zilegi eta garbia izan da.  Gauzak horrela, ezinbestekoa da demokrata, ezkertiar edota aurrerakoi guziontzat burujabetze demokratikoarekin eta, era berezian, urriaren bateko erreferendumaz bat egitea.  Halaber, demokrata eta ezkertiar gisa, herri burujabetza ariketa eratzaile etengabe bezala ulertzen dugu, herriak une jakin baten ez ezik, etengabe gauzatu behar duena. Hain zuzen ere, bizitzaren esparru guztietan eredu justu, duina eta bizigarria eraikitzeko ahalmen demokratikoa da guretzat burujabetza, dena erabakitzeko aukera ematen duena, eta horrela ulertzen dugu bere defentsa ere.

3: Katalunian lehertzen ari da 1978ko erregimena,  autonomien erregimena, gurean ere aspaldi agorturik dagoena. Iritsi da, gauzak honela, espainiar estatuaren aldaketaren ezintasun estrategikoaz jabetzeko garaia. Sakoneko demokraziarik nahi duen orok, neoliberalismoari aurre egiteko bideak ireki nahi dituen orok jakin badaki dagoeneko herrien burujabetza dela aukera bakarra. Guk, gurean, hala ikusten dugu eta konpromisoa hartzen dugu euskal burujabetze prozesu propioa elkarrekin bultzatzeko, gure herriaren jardueran zentratuta, beste inoren baimenik itxoin gabe, beste inorekiko itunaren fantasian lotu gabe. Gogoeta ideologiko eta estrategikoan aritzen garen elkarte gisa, gure ahaleginak biderkatuko ditugu burujabetze jardueran ekarpen sendoak egiteko.

4: Elkartasun mezu beroa bidali nahi diogu Kataluniako herriari une garrantzitsu honetan. Ohore bat da CIEMEN elkartearen gonbidapena jaso izana eta Bartzelonan izango gara gu ere urriaren batean, Kataluniaren eta Euskal Herriaren burujabetza aldarrikatu eta oinarrizko eskubideak defendatzeko.

izpta.: Manu Robles Arangiz Institutua , Alkartasuna Fundazioa, Ipar-Hegoa Fundazioa, Kultur Alternatiba eta Iratzar Fundazioa

Euskal Herria, 2017ko irailaren 28a

Zerk hunkitzen gaitu emozionalki edo mobilizatzen gaitu politikoki? Zer mekanismo baliatzen dituzte boterea dutenek, botere hori izateko?

Kolonbia, Libia, Estatu espainiarra edo beste gatazka asko. BBC, Al Jazeera, CNN, Canal Plus edo TeleSur haien bozgorailu gisa. Horietan guztietan esperientzia izanik, Unai Aranzadi erreportari eta dokumentalistak gure iritzi politikoa eratzen duen informazio-mapa hori zehatz analizatzen du Kolonbiako gerra, Giza Eskubideen urraketa eta bake-prozesuaren adibidea oinarritzat hartuz.

Aranzadik bake-prozesuari buruzko bere dokumentala eta Kolonbiako biktimak aurkeztuko ditu, ‘La Paz Insurrecta’.

Eta ondoren parte hartuko du Joxerramon Bengoetxearekin mahai-inguruan (EHUko zuzenbidearen soziologiaren nazioarteko masterraren zuzendaria), eta bake-elkarrizketetako mahaiko kidearekin, Camilo Umaña.

Eskuliburua

Trailerra

Baiona. 2017/04/22

Bideoak: Ekitaldia     ETBko bideoa (Iparraldearen Orena)

Saridunak       Kartela      Argazkiak      Prentsan

Txomin Peillen idazlea eta euskararen ikertzaileak, Martine Bisauta Batera herritar-plataformaren kide fundatzaileak, ‘Txetx’ Etcheverry sindikalista, ekologista, eta bakezaleak eta Xebax Christy ‘Euskal moneta’-ren sustatzaileak, kultura sustatzaile hauek jaso dituzte 2017ean Alkartasuna Fundazioak urtero ematen dituen ‘Euskal kultura eta euskara sustatzeagatiko sariak’.

Alkartasuna Fundazioak euskara eta euskal kultura babesteko erakutsi duten inplikazioa ohoratzea erabaki du, baita Euskal Herriaren garapen sozial, ekonomiko eta politikoaren alde egin duten ekarpena ere, betiere justizia sozialaren eta bakearen printzipioei jarraikiz.

Lorena Lopez de Lacalle, Alkartasuna Fundazioaren lehendakariordea eman die ‘Zazpirak bat’ saridunei, Nestor Basterretxea eskultoreak diseinatuta.

Sarituak

• Prentsan:

-www.sudouest.fr/2017/04/20/pays-basque-les-defenseurs-de-la-culture-et-de-la-langue-recompenses-3379159-4018.php

-www.sudouest.fr/2017/04/23/un-quatuor-pour-la-promotion-de-la-culture-basque-3389416-4018.amp.html?espv=1

-www.eitb.eus/eu/telebista/programak/iparraldearen-orena/

-www.naiz.eus/es/actualidad/noticia/20170415/txomin-peillen-martine-bisauta-txetx-etcheverry-eta-xebax-christy-sarituko-ditu-alkartasuna-fundazioak

-www.berria.eus/paperekoa/5002362/007/003/2017-04-21/alkartasuna_fundazioak_saria_emango_die_etxeberri_christy_bisauta_eta_peilleni.htm

-http://m.noticiasdenavarra.com/2017/04/16/ocio-y-cultura/cultura/alkartasuna-fundazioa-premia-el-apoyo-a-la-cultura-vasca

Bilboko Somerako Alkartetxean, EAk indarean jarri zuen Diru Sarrerak Bermatzeko Errentari buruzko topaketa

Bideoa: ‘Diru-sarrerak bermatzeko errentari buruzko faltsukeriak’ Eva Blanco

Bideoa: Hitzaldia. Manolo Vigo eta Eva Blanco

2017/02/22

• Manolo Vigo/ EAkide y Ex viceconsejero de Inserción Social:

- “Creamos los mecanismos del sistema de protección social con el complemento de pensiones y desempleo, así como la Renta de Garantía de Ingresos contra la exclusión social para cubrir las necesidades básicas y facilitar la inclusión laboral integral. Y para ello tuvimos que superar una ardua lucha con el PNV”

- “La RGI vasca es la única del Estado que permite superar el umbral de la pobreza.”

- “El fundamento de la ley vasca es que nadie en situación de necesidad quede sin protección. Criterio que no se aplica hoy. El diseño inicial de Lanbide para que hiciera un diagnóstico integral de la exclusión social está en la papelera”

- “El PSOE dejó sin acceso a la RGI a mucho necesitado al endurecer los requisitos, y el PNV vulnera la ley al subirla según el IPC y no conforme al salario mínimo”.

• Eva Blanco/EAkide y parlamentaria de EH Bildu:

- “La RGI es un derecho regulado de toda persona en riesgo de exclusión”

- “Es falso que no hay RGI para los de aquí. Al ser un derecho, el Gobierno debe dotar los fondos necesarios”

- “No hay fraude generalizado en la RGI. La realidad es que solo hay un 1% de fraude, y si un perceptor rechaza un empleo se le quita”

- “No hay cobros indebidos de la RGI sino pagos indebidos al no revisar Lanbide cuando cambia la situación laboral del perceptor”

- “Es falso el efecto llamada. Nadie quiere dejar su vida y desarraigarse para venir a cobrar la RGI”

- “Otro gallo cantaría si Maroto persiguiera la corrupción de los Barcenas, Gurtel y demás miembros del PP en vez de la Renta de Garantía de Ingresos”

- “PP y Vocento están desprestigiando el derecho de todo ciudadano en riesgo de exclusión a la RGI, estigmatizando a los perceptores”

Bartzelonan, lehenengo aldiz, topaketa batean parte hartu genuen, eta gure elkartasuna adierazi genien katalauniako herriari eta bere instituzio demokratikoei

2017/02/21

Urte amaieran Bartzelonan lehenengo aldiz bildu ginen espainiar estatuko ezker nazionalen hainbat fundazio, Centre Internacional Escarré per a les Minories Ètniques i les Nacions (CIEMEN)ek gonbidatuta. Kataluniako erakunde honek nazioarteko elkartasuna lantzen du, eta dei egin zien beren burua ezker subiranistan kokatzen duten organizazio politiko eta sindikalei (hauek oso tradizio desberdinak dituztelarik: antikapitalismoa, sozialdemokrazia aurrerakoia, ekosozialismoa edota errepublikanismoa), estrainekoz iritziak elkartrukatzeko.

Topaketan parte hartu zuten fundazio edota pentsamendu guneak hauek izan ziren: Kataluniako Fundació Josep Irla eta Quim Soler (CUP); Illes Balearseko Fundació Emili Darder eta Ateneu Pere Mascaró; País Valenciàko Fundació Nexe; Euskal Herriko Iratzar Fundazioa, Alkartasuna Fundazioa eta Ezkerraberri Fundazioa; Galizako Fundació Galiza Sempre eta Xosé Manuel Beiras y Raúl Asegurado (Anova), eta Aragoiko Fundación Gaspar Torrente eta Fundación Aragonesista 29 de junio. Halaber, sindikatuen fundazioak ere izan ziren partaide: Galizako Fundación Moncho Reboiras eta Euskal Herriko Manu Robles Arangiz Fundazioa eta Ipar Hegoa Fundazioa. Lehentasuna eman zitzaien lurralde bakoitzean pisu garrantzitsua duten eragile politiko eta sindikalei; halere, aintzat hartzen da espazio ideologiko hau are pluralagoa eta heterogeneoagoa dela.

Oro har partaideak ados zeuden herrien burujabetza oinarritzat hartu behar dela alternatiba taxutzeko, hala neoliberalismo hegemonikoaren aurrean, nola xenofobiaren, eskuin muturaren eta faxismo agerpen desberdinen aurka. Globalizazio alternatibo baten beharra azaleratu behar da, ez estatuek eta kapitalismo neoliberal basatiak 90etako hamarkadatik hona bultzatu dutena; honen izendatzaile komuna edo DNA izan behar da solidaritatearen defentsa, justizia soziala, sexu- eta ugaltze-askatasunak, ingurumena, aniztasun kulturala eta herrien eskubide kolektiboak.

Hain zuzen, dei egin zitzaien oraindik ere herri orok bere hautuak erabakitzeko eskubidea duela -estatu berriak osatzeko aukera barne, gehiengo sozialek hala nahi balute- uste ez duten ezker eta indar progresistei, eskubide honen alde egin dezatela, globalizazio neoliberalaren alternatiba eraikitzeko funtsezkoa baita; hain zuzen, globalizazio horrek estatuak eta inork hautatu ez dituen nazioarteko eragileak elkartzen ditu herriak eta gehiengo sozialak azpiratzeko.

Azkenik, espainiar Estatua hautetsi katalanen aurka egiten ari den erasoa ikusirik, CIEMENek Bartzelonan bildutako organizazioek erabateko babesa eta elkartasuna adierazi zieten herri katalanari eta bere erakunde demokratikoei; hauek, espainiar gobernuaren jarrera itxia medio, alde bakarreko bideari ekin behar izan diote.