2022-12-03/04

Sevillan, “por una Andalucía, libre, soberana y dueña de su destino” baten aldeko manifestazioaren alde, eta Forumean subiranismo eraldatzailearen lankidetzarako estrategiak, prestakuntza eta baterako jardueren agenda adosteko helburuarekin

Lorena Lopez de Lacalle Alkartasuna Fundazioak, Eusko Alkartasunak eta Gazte Abertzaleakek bidali duten ordezkaritzaren buru izan da

Santiago de Compostela (Unibertsitateko Campus eta Festigal gunea). 2022/07/23-25

Estatuko mugimendu subiranista ezkertiarren elkarte eta fundazio politiko, sindikal eta kulturaletako ordezkariok, Galiziako Aberri Eguna dela eta, Compostelako Donejakuen ospatu den hirugarren Eskola Subiranistan parte hartu dugu. Europan eskuin muturraren hazkundeak demokraziaren aurka suposatzen duen erasoari buruz, fake news-en erabilerari buruz eta teknologia berrien bidezko espioitza masiboari buruz eztabaidatu eta hausnartu dugu. Digitalizazioak lan-eremuan dituen ondorioak, krisi globala eta konpondu gabeko nazioarteko gatazken egoera, hala nola Palestina, Sahara eta Kurdistan, izan ditugu hizpide ere.

Jardunaldi hauek Forum Soberanistak, Coppieters Foundation-ak eta Ciemenek Galiziako Galiza Sempre, Moncho Reboiras eta Terra e Tempo fundazioekin batera antolatu dituzte Compostelako Donejakueko unibertsitateko kanpusean. Hiru egun hauetan zehar, nazioarteko hogeita hamar hizlari inguru egon dira eta lantaldeetan ehun bat pertsonek izena eman dute.

:: EGITARAUA

Uztailak 23

• Aurkezpena

- Miquel Roselló / Forum Subiranistako Lehendakaria
- Xabier Macías / Coppieters Foundation-eko Lehendakaria
- Ana Pontón / BNG-ko Nazio Bozeramailea

• ‘Galizaren testuinguru historiko-politikoa laburra eta bere askapen nazionalerako mugimendua‘

- Rubén Cela / Galiza Sempre Fundazioko Lehendakaria

• ‘Digitalizazioa ezbaian’

- Paulo Carril / Konfederazio Intersindikal Galegako (CIG) idazkari Orokorra
- Iratxe Esnaola /Ingeniaritza informatikoan doktorea. Deustuko Unibertsitatean irakasle, TIC eremuan espezialista
- Tania Díaz / Komunikabideen Nazioarteko Unibertsitateko (LAIUCOM) errektorea
- Richard Benavides / Politologoa. BRCSko nazioarteko koordinatzailea
- Moderatzailea: Ester Rocabeyra / Intersindical-CSC

• ‘Mundu Ordena Berri batean konpondu gabeko arazo nazional zaharrak’

- Nithya Nagarajan / Palestinako Sindikatuen Federazioa
- Embarka Hamoudi / Saharako Emakumeen Batasun Nazionala
- Faleknas Uca / Kurdistango HDPko lehendakariordea
- Moderatzailea: Marta Cid / Fundació Josep Irla

Uztailak 24

• ‘Subirotasun energetikoa gaur egun’

- Citalli Hernández / MORENAko Idazkari Nagusia. Mexikoko Erreforma Energetikoaren Legearen egilekidea
- Fernando Branco / Konfederazio Intersindikal Galegako (CIG) Industria Federazioko Exekutibako kidea
- Carme Ferrer / Senan -go (Tarragona) Alkatea. ERC-ko kidea
- Moderatzailea: Floren Aoiz / Iratzar Fundazioa

• ‘Heltzear dagoen krisia’

- Andrés Piqueras / Jaume I Universitateko Soziologia irakaslea
- Aurkezlea: Sandra Llano / Alternatiba Fundazioa

Uztailak 25

• ‘Eskuin muturra eta demokrazia’

- Idoia Arreaza / Universitat de Valènciako politogoa
- Ángeles Díez / Universidad Complutenseko Zientzia Politikoak eta Soziologian Doktorea
- Joana Mortagua / Bloco de Esquerdako Idazkaritza nazionaleko kidea eta Portugaleko Legebiltzarreko diputatua
- Moderatzailea: Xosé Lois Rivera /Moncho Reboiras Fundazioa

• ’Ezker subiranistaren erronkak’

- Nestor Rego / UPG-ko Idazkari Nagusia eta BNG-ko diputatua
- Mertxe Aizpurua / EH Bilduko diputatua
- Sara Baillac / ERC-ko Ekintza Politikorako Idazkariordetza
- Amadeu Mezquida / MES-eko Estrategia Koordintzailea
- Miquel Rosselló / Forum Subiranistako Lehendakaria
- Moderatzailea: Ana Miranda / BNG-ko Nazioarteko Harremanaren arduraduna. European Free Alliance (EFA-ko)
lehendakari ordea

La Fundación Alkartasuna ha recibido financiación pública del Ministerio de Cultura y Deporte para las actividades

Iruñea. 2022/06/3-5

Krisi global, estruktural eta eskubide sozial eta askatasun zibilen murrizketen aurrean, Euskal Herriko, Països Catalans, Galiza, Andaluzia eta Kanariar Uharteetako hogei bat erakunde politiko, sindikal eta kultural subiranista bildu gara Iruñean, nazio aniztasunaren, herrien autodeterminazioaren, eleaniztasunaren, feminismoaren, ekologiaren eta garapen ekonomiko jasangarri baten garapenaren alde konplizitateak ehuntzen jarraitzeko  eta babesak sustatzeko.

Katakrak kultur gunean egindako topaketari esker, mugimendu subiranistentzako eszenatokiak aztertu ahal izan ziren munduko eta Estatuko krisiaren aurrean. Batetik, “Ezkerreko subiranismoak, XXI. mendeko proiektua” solasaldian, Mertxe Aizpurua EH Bilduko diputatuarekin, David Fernandez kazetariarekin, Olalla Rodil BNGko legebiltzarkidearekin eta Gemma Ubasart politologoarekin.

Eta bestetik, Forum Suberanista osatzen duten fundazio eta elkarteetako ordezkarien arteko eztabaidarekin: Ciemen, Iratzar, Ipar Hegoa, Manu Robles-Arangiz, Alternatiba, Alkartasuna Fundazioa, Galiza Sempre, Terra o Tempo, Fundación Moncho Reboiras, Obradoiro de Ideas Lancara, Fundació Josep Irla, Fundación por los derechos colectivos de los pueblos/Confederació Intersindical, Centre documental de la Memoria de los Països Catalans, Centre de documenació Serra y Puig, L’Alternativa, Institut Soberanies, Fundacions Darder-Mascaró, Mes per Menorca, Grupo de Estudios Diaz del Moral, Betiko, Fundación Nexe, Ahora Canarias eta Intersindical Canaria.

La Fundación Alkartasuna ha recibido financiación pública del Ministerio de Cultura y Deporte para  las actividades

Eusko Alkartasunako, Alkartasuna Fundazioako eta Gazte Abertzaleakeko ordezkariek EFA (ALE), Coppieters Foundation eta EFA Youth erakundeen Batzar Nagusietan parte hartu dute, eta Aniztasunaren eta Inklusioaren Europa aldarrikatu dute, migratzaileen eskubideak defendatzeko mozio baten bidez

2022/05/17

18 fundazio eta elkarteetako, 49 alderdi politikoetako eta Europako 31 gazte-erakundeetako ordezkariak bildu gara maiatzaren 11tik 14ra Kanaria Handiko Las Palmasen, giza eskubideen, demokraziaren, hizkuntza eta kultura aniztasunaren, berdintasunaren, jasangarritasunaren eta estaturik gabeko herri eta nazioen autodeterminazioaren  defentsan konprometitutako Europa baten alde lan egiteko eta eztabaidatzeko.

Fundazioko presidentea eta Eusko Alkartasunako Nazioarteko Politikako Idazkaria den Lorena Lopez de Lacalle hautatu dute berriro European Free Alliance-ko (Europako Aliantza Librea) buru. Berarekin batera Jordi Solé (ERC) idazkari nagusia bezala egongo da, 15 kideko Bureau batean, hiru urteko agintaldi baterako.

Bere hitzaldian, Lorena Lopez de Lacallek gizarte zibila entzutearen alde egin zuen, prozesu parte-hartzaileak, erabakitzeko eskubidearen errespetua eta nazioarteko elkartasuna sustatuz.

Ildo horretan, Alkartasuna Fundazioak, Eusko Alkartasunak eta European Free Alliancek elkarlanean egindako lanaren ondorioz, EAk aurkeztutako eta Eba Blanco idazkari nagusiak defendatutako mozio bat onartu du EFAk, 2021eko ekainaren 30ean Europako Parlamentuko, Iparraldeko lurralde-administrazioko eta mugako gizarte-kolektiboetako kideekin egindako “Mugetan Gatibu” topaketan oinarrituta, migratzaileen eta errefuxiatuen giza eskubideak eta bizitza duina bermatzeko beharra defendatuz.

Euskal Herritik ekarritako eta European Free Alliancek bere egindako ekimen honen bidez, EFA, Coppieters Foundation eta EFA Youth erakundeen batzar orokorren harira migrazioari buruz egindako lantaldeen ondorioekin bat etorriz, alde batetik, euskal mugan harrapatuta dauden migratzaileek jasaten dituzten giza eskubideen urraketak eta arrazakeria salatzen dira. Bestetik, Espainiako eta Frantziako estatuei eskatzen zaie migratzaileei laguntza integrala (osasunekoa, psikologikoa, juridiko-administratiboa, igarotzekoa eta alojamendua) emateko, jatorriagatik diskriminaziorik egin gabe. Eta, azkenik, Europako Batzordeari eta Europako Parlamentuari eskatzen zaie berriz defini dezatela asilo politika europarra, Aniztasunaren eta Inklusioaren Europaren ikuspegitik, erantzun europar humanitarioa, duina eta koordinatua emateko, subsidiariotasun-printzipioa aplikatuz, herrialdeen kudeaketa-gaitasuna handitzeko eta migratzaileentzako korridore seguruak bermatzeko.

Era berean, Coopieters Foundation fundazio politiko europarrak, Alkartasuna Fundazioa kide fundatzailea delarik, inizialki erabaki du bere urteko aurrekontuaren % 0,7 kalteberatasun egoeran dauden errefuxiatuei laguntzeko elkartasun-kutxa batera bideratzea.

• Links:

- Lorena López de Lacalle berriz izendatu dute EFAko presidente

- The Basque politician from Eusko Alkartasuna will continue to lead the party

-  Organizaciones políticas europeas proponen políticas comunes en la UE para las personas migrantes basadas en los DDHH

- Eba Blancok Euskal Herrian ere migratzaileak hiltzen direla salatu du. Gogoan izan ditu Bidasoa ibaia zeharkatzen eta Hendaiatik Baionarako trenbidean hildako migratzaileak

- European Free Alliance-ko mozioa

Matxitxakoko itsas batailaren 85 Urteurrena. Itsas gudariei omenaldia

2022/03/06

 Lore eskaintza Nestor Basterretxearen eskulturan “Matxitxakoko guda”

Parte hartzaileak:

- Kontxi Gabantxo / Udalerri euskaldunen mankomunitatea presidente ohia

- Eba Blanco / EAko idazkari nagusia.

“Gogoan ditugu Kantauriko uretan gure askatasunaren alde borrokan euren bizitza utzi zutenak. Gogoan ditugu faxismoaren aurka borrokatu ziren gudariak, baita gure lurraldea utzi behar izan zuten erbesteratuak ere. Gogoan ditugu jazarriak izan ziren guztiak, diktadurak zapaldu eta hil zituenak”.

Eba Blanco. 2002-03-06 Bermeo

- Idurre Bideguren / Senataria eta Bermeoko alkate ohia

“Euskal bouak gerrarako prestaturiko makailo ontziak ziren eta itsa gudariak itsasoan oso trebeak izan arren ez ziren militarrak. Beraz, frankisten eta Euskadiko guda ontzien artean baldintzak nahiko desberdinak ziren. Baina desabantail nabarmena izan arren borrokarako prest agertu ziren eta amore emon orduko, Euskal Herriaren eskubide eta askatasuna lortzeko edozertarako prest zeudela erakutsi euskuen. Eta garrantzitsua da pasarte hau konkretuki eta gerra zibila orokorrean gogoratzea. Zer gertatu zan eta zergaitik konpartitzea. Alde batetik, horrelakorik ez errepikatzeko behar-beharrezkoa delako memoria egitea. Eta bestetik, gure herriaren historia delako eta garrantzitsua delako nondik gatozan gogoratzea epe laburragoan bizi izan doguzan egoera asko hobeto ulertzeko eta etorkizuna hobeto bideratzeko.”

1.️IdurreBideguren Itsas gudarien historia garrantzitsua da gogoratzea.

2. IdurreBideguren Bakearen aldeko apostua egiten ari gara

“Actividad subvencionada por el Ministerio de Cultura y Deporte”

Eusko Ikaskuntzaren eta Institut d ‘Estudis Catalans-en lankidetzako ekimenan parte hartzen du Alkartasuna Fundazioak

2022/03/21

“Europar Batasuna subiranotasun-gatazken aurrean: argitasun-esparru baterantz” jardunaldian, Eusko Ikaskuntzak eta Institut d ‘Estudis Catalans-ek subiranotasuneko lurralde-gatazkei erantzun demokratikoa emateko oinarrien dokumentuaren azken bertsioa aurkeztu dute, Europako Parlamentuak, EBko Kontseiluak eta Europako Batzordeak sustatutako Europaren Etorkizunari buruzko Konferentzian aurkezteko asmoz.

Lorena Lopez de Lacallek, European Free Alliance eta Alkartasuna Fundazioko presidenteak, Donostiako Miramar Jauregian egindako jardunaldian parte hartu du, GUE/ENGL (The Left in the European Parliament) eta RE (Renew Europe) Europako talde parlamentarioekin, aditu talde batekin eta gizarte zibilaren ekarpenak jasotzeko lan-taldeekin.

• Dokumentua: Subiranotasun lurralde-gatazkak konpontzeko oinarriak Europako esparruan
  
• Claves del documento de bases para la resolución de conflictos de soberanía en Europa
  Jaume Lopez, Mario Zubiaga, Zelai Nikolas / Proiektuko talde zientifikoko kideak.