Jardunaldia

Zaintzen Zain – Who Cares zainketen inguruko jardunaldiaren bideoa ikusgai duzu jada

Bilbo. 2026/01/24

  
            Zaintza sistema publiko                                                Zaintza ikuspegi ezberdinetatik

Kathleen Lynch, Nena Georgantzi,       Txefi Roco, Elisa Pérez, 
Tine Rostgaard, Dana Bachman           Jasone Giraldo, Ane Izagirre

Jardunaldia

ZAINTZEN ZAIN / WHO CARES?

Zaintzak guztioi eragiten digu, baina guztiok zainduko gaituen sistema eraikitzen, ala eraisten gabiltza?

Gertuko inor zaintzen al duzu? Zainduko gaituzten erakundeen aldekoa zara? Zaintzaren pribatizazioa eta zaintzaileen lan baldintza kaxkarrekin kezkatuta al zaude?

Galdera hauei baiezkoarekin erantzun badiezu, ekimen hau zuretzat da.

Alkartasuna Fundazioak  Coppieters Foundationekin batera, Zaintzen inguruko jardunaldia antolatu dugu urtarrilaren 24an, larunbata, Bilboko EHUko Bizkai Aretoko Baroja Auditorioan (Abandoibarra Etorb., 3).

Bertan, nazioarteko adituek eta gizarte eta lan-arloko eragileek beren ikuspuntuak partekatuko dituzte, entzuleen arteko eztabaidarekin uztartuz.

• Inskripzioa

• Eskuorria

Jardunaldiak

Autoritarismoaren gorakadaren aurrean erantzun kolektiboen artikulazioa VII. Eskola Soberanistaren eztabaidaren muina

2025/11/28-29

Hogei bat fundazio, elkarte eta talde subiranista ezkertiarretako ehun bat ordezkarik autodeterminazioaren, gure hizkuntzen babesaren, ultraeskuinaren, supremazismoaren, neoliberalismoaren, migrazioen eta krisi bioklimatikoaren inguruko erronkei heldu diegu Eskolan.

:: Egitaraua       :: Argazkiak

- Monica Clua /politologo: “Olatu atzerakoia neoliberalismoaren estrategia da; indibidualizazioa gizartearen aurrean. Liberal autoritarioak, nazional-kontserbadoreak, faxismoaren oinordekoak, fundamentalismo kristaua, anarkokapitalistak eta konspiranoikoak elkartzen dira”

- Mertxe Aizpurua /EH Bilduko diputatua: “Francok dena utzi zuen lotuta. Franco hil. Franskismoa bizirik iraun, Tribunal de Orden Publico-a Audiencia Nazional izatera. Frankismoa ez da inoiz epaitua izan”.

“Euskal Herriko agenda subiranistan, estatus politiko berria dago. Etxebizitzak eskubide soziala izan behar du, hezkuntza eta osasuna diren bezala. Trantsizio ekologikoa ere giltzarria da”

Continuar leyendo »

Jardunaldiak

Subiranotasun emergenteak. Nazionalismoa ikertuz V. Nazioarteko Kongresua. Estaturik gabeko nazionalismoen nortasun, lurralde eta estatu-eraikuntzak

2025/11/27-28. Bilbo

EHUko Parte Hartuz ikerketa taldeak Nazionalismoa Ikertuz nazioarteko kongresuaren 5. edizioa antolatu du. Oraingoan, Subiranotasun Emergenteak.

Mahai nagusietan honako gaiak eztabaidatuko dira: sezesio-prozesuak eta subiranotasuna ikuspegi geoestrategikotik; feminismoa, intersekzionalitatea eta nazionalismoa; burujabetza digitala eta estaturik gabeko nazioak; nazionalismoa eta dekolonitatearen teoriak edota subiranotasunaren erronka berriak.

Egitaraua

Laguntzaileak: Subiranotasuna Europako Herrietan masterra, Bilboko Udala, Forum Subiranista, Iratzar Fundazioa, Manuel Robles-Arangiz Fundazioa, Betiko Fundazioa eta Alkartasuna Fundazioa

Jardunaldiak

VII. Eskola Subiranista

Bilbo. Azaroak 28-29

Forum Soberanista osatzen dugun erakundeok prestakuntza topaketa berri bat egingo dugu azaroaren 28an eta 29an Bizkai Aretoan, ‘Herri Burujabeak Europar Batasunan / Sovereign peoples in the European Union / Pobles sobirans a la Unió Europea / Pobos soberanos na Unión Europea / Pueblos soberanos en la Unión Europea” izenburupean.

• Egitaraua

Think tank

Alkartasuna Fundazioak Forum Subiranistaren osoko bilkuran parte hartu du Valentzian

2025/10/25

Euskal Herria, Katalunia, Galiza, Illes Balears, País Valentzià eta Kanarietako elkarte eta fundazio politiko eta sindikalek elkarrekin lantzen ditugu prestakuntza-jarduerak Forum Subiranistan; ezkerreko subiranismoaren hausnarketa estrategikorako gunea.

Azaroaren 28an eta 29an VII Eskola Soberanista ospatuko dugu Bilboko Bizkai Aretoan.

Elkarrizketa

Euskal Herriko selekzioa ofizialki lehiatzen ikustetik gertu al gaude?

Joxemari Mitxelena Cazabon, Euskadiko Euskal Pilota Federakuntzaren lehendakariari galdetu diogu

2025eko ekaina

Think tank

Alkartasuna Fundazioak Coppieters Foundation think tank europarraren Batzar Nagusian parte hartu du

Lorena Lopez de Lacalle hautatu dute berriro European Free Allianceko presidente

Nantes 2025/05/9-10

Mikel Osinaldek ordezkatu du fundazioa Nantesen egindako topaketan, herrien Europa bidezkoago, demokratikoago eta inklusiboago baten aldeko hamabost bat erakunde kultural eta politikotako kideekin batera.

Eskubide kolektiboak eta gutxiengoen eskubideak, kultura eta hizkuntza aniztasuna, maila anitzeko gobernantza, autodeterminazioa, eta giza eskubideak dira Coppieters Foundation think tank europarraren baitan elkarrekin egindako lanaren helburuetako batzuk.

Bilera European Free Alliance erakundearen batzar orokorrarekin batera egin da, eta bertan Lorena Lopez de Lacalle berrautatu dute presidente.

Coppieters Awards

Elisa Loncón Antileo maputxeak Coppieters Saria jaso du Bruselan

Sari honekin, Coppieters Fundazioak Txileko demokratizazio prozesuan eta kultura eskubideen inguruan egindako lan eskerga aitortzen dio buruzagi Maputxeari, bai eta aniztasuna zein ingurugiroaren zaintzaren aldeko borroka.

“Lurrari lotuta hazi nintzen, belaunaldiz belaunaldi estutzen saiatzen garen lotura. Sendiak erakutsi zidan Lurra gure ama dela, eta bere aniztasuna, gure zoriontasunaren sustrai. Denok gara Lurraren seme-alaba, eta erari zor gatzaio”

Bruselak.

2025eko martxoaren 26an, Alkartasuna Fundazioa kide den erakundeak Elisa Loncón Antileo aintzatetsi zuen Coppieters Sariarekin, maputxeen eskubide kolektiboen defentsa demokratikoari nahiz bakearen eta aniztasunaren idealei egindako aparteko ekarpenagatik.

Ekitaldia Bruselako Grote Markt ikonikoan egin zen, eta hainbat arduradun politiko, Europako Parlamentuko kide, gizarte zibil, akademiko eta komunikabideetako berriemaile bildu zituen, Elisa Loncon Antileori gorpuzten dituen balioak aitortu asmoz: erresilientzia, osotasuna, enpatia, eta justiziaren bilaketa.

Continuar leyendo »

Itsas Gudari Eguna 2025

Bermeo 2025/03/02

• Bideoak, zabalkundea eta aurkezpena:

 

Babeslea